Grŵp Cynefin yn gwahodd contractwyr lloriau i ddigwyddiadau Dod yn Gontractwr Lloriau
Mae Grŵp Cynefin yn gwahodd contractwyr lloriau o ar draws gogledd Cymru a gogledd Powys i fynychu cyfres o ddigwyddiadau Dod yn Gontractwr ym mis Gorffennaf, gan ganolbwyntio ar gyfle contract lloriau sydd ar y gweill.
Cynhelir y digwyddiadau yn Nhŷ Silyn, Penygroes ar 15 Gorffennaf am 11:30am a Thŷ John Glyn, Dinbych ar 16 Gorffennaf am 11:30am ac maent wedi’u hanelu at gontractwyr sy’n gallu cyflawni gwaith ledled y rhanbarth.
Wedi’u cyflwyno mewn partneriaeth â GwerthwchiGymru a Busnes Cymru, bydd y sesiynau’n rhoi cipolwg ymarferol ar ofynion y contract a’r broses gaffael, ochr yn ochr â chanllawiau ar sut i gael mynediad at gyfleoedd yn y sector cyhoeddus a chystadlu amdanynt.
Mae Grŵp Cynefin yn arbennig o awyddus i ymgysylltu â busnesau bach a chanolig (SMEs) a bydd yn cynnig cefnogaeth i helpu busnesau i ddeall y broses ar sut i wneud cais ac ennill gwaith a datblygu’r hyder i gynnig am gontractau eraill yn y dyfodol.
Bydd cyfle gan y rhai sy’n mynychu i:
- Dysgu am y contract lloriau sydd ar ddod
- Deall gofynion a disgwyliadau caffael
- Derbyn canllawiau ar ddefnyddio GwerthwchiGymru
- Cael mynediad at gyngor gan Fusnes Cymru
Mae’r sesiynau ffocws hyn wedi’u cynllunio i gefnogi contractwyr i baratoi ar gyfer y cyfle a chryfhau eu gallu i gystadlu am waith yn y dyfodol. Dylai busnesau sydd â diddordeb mewn mynychu cofrestru ymlaen llaw. Gallwch gofrestru isod: