Ymddygiad gwrthgymdeithasol
Rydym ni eisiau gwneud yn siŵr fod ein tenantiaid yn teimlo’n ddiogel yn eu cartref ac ni fydd ymddygiad gwrthgymdeithasol yn cael ei ddioddef.
Beth sy’n cael ei gyfri yn ymddygiad gwrthgymdeithsol?
Mae ymddygiad gwrthgymdeithasol/gwaharddedig yn cael ei ddiffinio fel hyn gan y gyfraith:
“achosi neu’n debygol o achosi aflonyddwch, ofn neu achosi gofid i un neu fwy nag un person nad ydynt o’r un cartref” (Deddf Trosedd ac Anhrefn 1998)
Dyma rai enghreifftiau o ymddygiad gwrthgymdeithasol/gwaharddedig
- fandaliaeth, graffiti neu ollwng sbwriel
- niwsans sŵn
- ymddygiad bygythiol neu ymddygiad sy’n codi ofn
- cam-drin geiriol
- aflonyddu hiliol
- troseddau cerbydau
- camddefnyddio tân gwyllt
- ymddygiad hwliganaidd a grwpiau bygythiol
Nid yw hon yn restr gyflawn a gall mathau eraill o ymddygiad gael eu cyfri yn ymddygiad gwrthgymdeithasol/ gwaharddedig.
Bydd unrhyw fath o aflonyddu, cam-drin geiriol neu gam-drin corfforol yn cael eu hystyried yn weithredoedd difrifol. Ni fedrwn dderbyn unrhyw fath o ymddygiad gwrthgymdeithasol/ gwaharddedig yn ein cartrefi.
Beth all Grŵp Cynefin ei wneud?
Os ydych chi’n gwneud cwyn am ymddygiad gwrthgymdeithasol/gwaharddedig fe wnawn ni ein gorau glas i helpu; dyma ein ymrwymiad i chi.
Mae gennym ni daflen i esbonio’r camau y dylech eu cymryd a rhestr wirio syml i chi ei dilyn.
Copi ar gael gan Cyswllt Cynefin
ApCynefin
Eisiau monitro lefel sŵn? Lawrlwythwch ein ap.
Rhoi gwybod i ni
Eisiau rhoi gwybod am ymddygiad gwrthgymdeithasol/gwaharddedig?