Grant Cymunedol Llys Awelon
Cynllun Tai Gofal Ychwanegol Llys Awelon
Mae Cynllun tai gofal ychwanegol Llys Awelon a sefydlwyd yn 2011 yn darparu cartref, cefnogaeth a gwasanaethau gofal i bobl dros 60 oed.
Ar hyn o bryd, mae’r cynllun gwreiddiol o 21 o fflatiau yn cael ei ddiweddaru ac ymestyn gyda 35 uned ychwanegol. Mae’r prosiect yn golygu ailddatblygu’r Llys Awelon presennol yn llwyr i greu cynllun modern, carbon isel, pwrpasol i gwrdd ag anghenion pobl hŷn yn ardal Sir Ddinbych.
Mae’r datblygiad yn dod yn ei flaen yn dda. Cliciwch yma i weld lluniau o’r gwaith adeiladu hyd yn hyn.
Mwy o wybodaeth am Llys Awelon yma.
Grant Cymunedol
Fel rhan o’r cymal gwerth cymdeithasol sy’n ymgorffori buddion cymunedol, mae Grŵp Cynefin a Read Construction, datblygwr y prosiect, yn buddsoddi £18,000 yn y gymuned leol.
Bydd y grant (hyd at £1000) ar gael i grwpiau gwirfoddol neu cymunedol i wneud gwahaniaeth yn ardal Rhuthun a’r cyffiniau (cod post LL15).
Byddwn yn derbyn ceisiadau ar gyfer y grant rhwng 1af o Dachwedd 2023 a 31 Ionawr 2024.
Am fwy o wybodaeth, amodau’r grant a ffurflen gais gweler isod.
Amodau’r grant
Beth ydi Grant Cymunedol Grŵp Cynefin?
Cynllun grant hyd at £1,000 sydd ar gael i grwpiau sydd yn gweithredu yn Rhuthun a’r cyffiniau (cod post LL15). Mae’r grant ar gael i grwpiau gwirfoddol neu cymunedol i wneud gwahaniaeth o fewn eu cymunedau. Rhaid gwario’r grant o fewn 12 mis.
Sut fedrwn ni helpu eich grŵp?
- Hybu’r naws cymunedol yn eich ardal
- Cynnwys yr holl gymuned (e.e. pobl o bob oedran a galluoedd)
- Annog plant a phobl ifanc i fod yn rhan o’r prosiect
- Trefnu digwyddiad(au) i ddod â’r gymuned at ei gilydd
- Cefnogi prosiect parhaol (cymdeithasol neu hobi)
- Darparu cyfleoedd chwarae a hamdden i blant a phobl ifanc
- Gwella’r amgylchedd lleol (e.e. dyddiau casglu sbwriel, creu lle ar gyfer bywyd gwyllt)
- Helpu pobl deimlo’n fwy saff a diogel
- Gwella lles y gymuned trwy annog ffordd o fyw sy’n iach
- Hybu’r iaith Gymraeg
- Ymateb i heriau’r argyfwng costau byw
Pryd fedrwn ymgeisio am y grant?
Bydd ceisiadau yn cael eu derbyn rhwng 1 Tachwedd 2023 a 31 Ionawr 2024.
Pwy all wneud cais?
Rydym yn croesawu ceisiadau gan grwpiau gwirfoddol neu cymunedol.
Ni fedrwn ystyried ceisiadau:
- Tuag at brosiect ar ei ben ei hun/digwyddiad sy’n dechrau/am ddigwydd cyn cyfarfod y Panel Grantiau
- Os yw cyfanswm costau eich prosiect dros £10,000.
- Gan cwmnïau sy’n ceisio gwneud elw
- Gan unigolion
- Gan ysgolion ar gyfer gweithgareddau prif ffrwd a ddylai gael eu hariannu o ffynhonnell arall
- Gan grwpiau ar gyfer gweithgareddau crefyddol
Manylion Cyswllt
Am gyngor neu i drafod os yw’ch prosiect yn gymwys, cysylltwch â Lowri yn y Tîm Mentrau Cymunedol ar 0300 111 2122 neu e-bostiwch mentraucymunedol@grwpcynefin.org
Mae ffurflen gais ar gael i’w lawrlwytho yma neu cysylltwch â ni ar y manylion uchod i dderbyn copi yn y post.