Rhent a Rheoli Arian

Mae’r adran yma’n esbonio mwy am eich rhent a’r dulliau o dalu rhent. Mae yna hefyd gyngor ar sut i reoli arian a gwybodaeth am y newidiadau budd dal ar y ddewislen ar ochr dde’r dudalen.


pres

Cynigir nifer o ddulliau talu’r rhent ……………….

1. Ar-lein

Defnyddiwch eich cerdyn debyd neu eich cerdyn credyd i dalu drwy’r rhyngrwyd. Allpay sy’n gweithredu’r gwasanaeth hwn ar ein rhan. Y cyfan sydd angen ei wneud ydi llenwi’r ffurflen talu ar-lein. Bydd yr arian yn mynd i’ch cyfrif rhent o fewn dau ddiwrnod gwaith.

2. rhaglen dalu ‘Payment App’ i ddefnyddwyr iPhone, iPad a dyfeisiau Android

Gellir lawrlwytho’r rhaglen ‘Payment App’ gan Allpay am ddim a’i defnyddio ar ffonau symudol Apple, Android a Windows. Bydd y rhaglen yn eich galluogi i wneud taliad heb fod angen storio cyfeirif taliad na manylion eich cerdyn banc.

3. Drwy ddebyd uniongyrchol

Mae’n debyg mai dyma’r ffordd orau o dalu. Mae’r arian yn mynd yn uniongyrchol i’ch cyfrif rhent ar y dyddiad talu a ddewisir gennych chi, ac unwaith y bo hyn wedi ei drefnu nid oes unrhyw berygl y gwnewch chi anghofio talu. Gall eich swyddfa leol eich helpu i drefnu eich debyd uniongyrchol. Un ai dewch i’r swyddfa neu ffoniwch ni ar 0300 111 2122 ac fe wnawn ni dderbyn eich cyfarwyddiadau dros y ffôn.

4. Dros y ffôn

Os hoffech dalu gan ddefnyddio eich cerdyn debyd ffoniwch ni yn uniongyrchol ar 0300 111 2122 i siarad ag un o’r staff, neu ffoniwch 0844 557 8321 i gael gwasanaeth peiriant ateb. Gwnewch yn siwr bod eich cerdyn debyd wrth law pan fyddwch yn ein ffonio gan y bydd angen i ni gadarnhau’r manylion ar y cerdyn.

5. Defnyddio eich cerdyn rhent yn y swyddfa bost

Defnyddiwch eich cerdyn rhent i dalu yn unrhyw swyddfa bost. Cewch ddefnyddio arian parod, siec neu gerdyn debyd i dalu. Mae hwn yn wasanaeth am ddim. Chwiliwch am eich swyddfa bost agosaf. Cysylltwch â ni os oes angen cerdyn rhent arnoch chi.

6. Defnyddio eich cerdyn rhent mewn lleoliad ‘Paypoint’

Edrychwch am yr arwydd Paypoint piws a melyn yn eich siop leol, siop papurau newydd neu orsaf betrol leol. Defnyddiwch eich cerdyn rhent i dalu ag arian parod neu gerdyn debyd. Mae’n wasanaeth cyfleus, cyfrinachol ac am ddim – ni all staff y lleoliad weld manylion eich cyfrif rhent. Chwiliwch am eich lleoliad Paypoint agosaf. Cysylltwch â ni os oes angen cerdyn rhent arnoch chi.

7. Drwy’r post

Peidich ag anfon arian parod drwy’r post, os gwelwch yn dda. Anfonwch siec (yn daladwy i Grŵp Cynefin) i’ch swyddfa leol – cyfeiriadau ac amseroedd agor. Hefyd cofiwch nodi eich enw, eich cyfeiriad a rhif eich cyfrif rhent ar du ôl y siec os gwelwch yn dda.

Pwysig – pa bynnag ddull talu a ddewiswch, cofiwch gadw’r dderbynneb neu fanylion y cyfeirif talu a roir i chi os gwelwch yn dda.


Hwyluswyr Tai Gwledig »

Mae nifer o ardaloedd gwledig yn pryderu ynglyn â‘r effeithiau diwylliannol ac economaidd oherwydd prinder tai fforddiadwy ar gyfer pobl ifanc a gweithwyr allweddol lleol.


Gwybodaeth am Fudd-daliadau »

A ydych chi'n sicr eich bod yn derbyn y budd-daliadau rydych yn gymwys i'w derbyn? Rydym wedi crynhoi y prif fudd-daliadau sydd ar gael isod, ond os ydych yn dal yn ansicr am unrhyw agwedd, cysylltwch â ni.


Adborth, Canmol a Chwyno »

Rydym bob amser yn anelu i ddarparu gwasanaethau rhagorol, ond ni allwn wneud hyn heb wybod beth gredwch chi yr ydym ni’n ei wneud yn dda a lle rydym ni angen gwella.


Cartrefi i Brynu / Rhent Canolraddol

Mae’r safle yn cael ei uwchraddio, os oes ganddoch unrhyw ymholiadau yna plîs cysylltwch â’r…

Mwy

Gwneud Cais am Waith Trwsio

Mae Grŵp Cynefin yn darparu gwasanaeth trwsio tai ac yn ymrwymo i ddarparu eiddo sydd mewn cyflwr…

Mwy

Manylion Cyswllt

Oes gennych chi gwestiwn neu angen cymorth i ddod o hyd i’r wybodaeth rydych ei angen? Yna,…

Mwy